• November 7, 2023

ਟੂਰਿਜ਼ਮ ਪੁਲਿਸ ਲਈ ਮੁੱਢਲਾ ਢਾਂਚਾ ਬਨਾਉਣ ਵਾਸਤੇ ਕਾਰਪੋਰੇਸ਼ਨ ਵੱਲੋਂ ਕਾਰਵਾਈ ਸ਼ੁਰੂ

ਟੂਰਿਜ਼ਮ ਪੁਲਿਸ ਲਈ ਮੁੱਢਲਾ ਢਾਂਚਾ ਬਨਾਉਣ ਵਾਸਤੇ ਕਾਰਪੋਰੇਸ਼ਨ ਵੱਲੋਂ ਕਾਰਵਾਈ ਸ਼ੁਰੂ

ਟੂਰਿਜ਼ਮ ਪੁਲਿਸ ਲਈ ਮੁੱਢਲਾ ਢਾਂਚਾ ਬਨਾਉਣ ਵਾਸਤੇ ਕਾਰਪੋਰੇਸ਼ਨ ਵੱਲੋਂ ਕਾਰਵਾਈ ਸ਼ੁਰੂ

ਡਿਪਟੀ ਕਮਿਸ਼ਨਰ ਵੱਲੋਂ ਸ਼ਹਿਰ ਵਿਚ ਚੱਲ ਰਹੇ ਵਿਕਾਸ ਕੰਮਾਂ ਦਾ ਜਾਇਜ਼ਾ
ਸ੍ਰੀ ਦਰਬਾਰ ਸਾਹਿਬ ਨੂੰ ਜਾਂਦੇ ਸਾਰੇ ਰਸਤਿਆਂ ਦਾ ਸੁੰਦਰੀਕਰਨ ਪਹਿਲ ਦੇ ਅਧਾਰ ਉਤੇ ਹੋਵੇ-ਪੁਲਿਸ ਕਮਿਸ਼ਨਰ
ਅੰਮ੍ਰਿਤਸਰ, 7 ਨਵੰਬਰ ( Rahul soni )-ਅੰਮ੍ਰਿਤਸਰ ਵਿਚ ਆਉਂਦੇ ਲੱਖਾਂ ਸ਼ਰਧਾਲੂਆਂ ਦੀ ਸਹਾਇਤਾ ਲਈ ਟੂਰਜ਼ਿਮ ਪੁਲਿਸ ਬਨਾਉਣ ਦਾ ਜੋ ਸੁਪਨਾ ਪੰਜਾਬ ਸਰਕਾਰ ਵੱਲੋਂ ਲਿਆ ਗਿਆ ਸੀ, ਨੂੰ ਪੂਰਾ ਕਰਨ ਲਈ ਨਗਰ ਕਾਰਪੋਰੇਸ਼ਨ ਨੇ ਕਾਰਵਾਈ ਸ਼ੁਰੂ ਕਰ ਦਿੱਤੀ ਹੈ ਅਤੇ ਛੇਤੀ ਹੀ ਇਸ ਉਤੇ ਕੰਮ ਸ਼ੁਰੂ ਹੋ ਜਾਵੇਗਾ। ਕਮਿਸ਼ਨਰ ਕਾਰਪੋਰੇਸ਼ਨ ਸ੍ਰੀ ਰਾਹੁਲ ਨੇ ਇਹ ਪ੍ਰਗਟਾਵਾ ਜਿਲ੍ਹਾ ਪੱਧਰੀ ਕਮੇਟੀ, ਜਿਸ ਵਿਚ ਡਿਪਟੀ ਕਮਿਸ਼ਨਰ ਵੱਲੋਂ ਸ਼ਹਿਰ ਵਿਚ ਚੱਲ ਰਹੇ ਕੰਮਾਂ ਦਾ ਜਾਇਜ਼ਾ ਲਿਆ ਗਿਆ, ਵਿਚ ਕਰਦੇ ਦੱਸਿਆ ਕਿ ਕਾਰਪੋਰੇਸ਼ਨ ਵੱਲੋਂ ਅੰਮ੍ਰਿਤਸਰ ਸਰਬਤ ਸੇਵਾ ਯੋਜਨਾ ਅਧੀਨ ਇਸ ਕੰਮ ਲਈ ਕਰੀਬ 10.31 ਕਰੋੜ ਰੁਪਏ ਦਾ ਟੈਂਡਰ ਜਾਰੀ ਕੀਤਾ ਹੈ। ਉਨਾਂ ਦੱਸਿਆ ਕਿ ਸਾਡੀ ਕੋਸ਼ਿਸ਼ ਹੈ ਕਿ ਇਸ ਕੰਮ ਵਿਚ ਸ਼ਹਿਰ ਦੀ ਟ੍ਰੈਫਿਕ ਵਿਚ ਸੁਧਾਰ, ਜਨਤਕ ਆਵਾਜਾਈ ਪ੍ਰਣਾਲੀ ਜਿਸ ਵਿਚ ਅੰਮ੍ਰਿਤਸਰ ਤੋਂ ਅਟਾਰੀ ਪਹੁੰਚ, ਈ ਆਟੋ ਅਤੇ ਥ੍ਰੀ ਵੀਲਰ ਸ਼ਾਮਿਲ ਹਨ, ਲਈ ਸੁਖਾਵਾਂ ਮਾਹੌਲ ਤਿਆਰ ਕੀਤਾ ਜਾਵੇ, ਜੋ ਕਿ ਸੈਲਾਨੀ ਸਭ ਤੋਂ ਵੱਧ ਵਰਤਦੇ ਹਨ।
ਉਨਾਂ ਦੱਸਿਆ ਕਿ ਇਸ ਕੰਮ ਦੀ ਨਿਗਰਾਨੀ ਲਈ ਸੁਲਤਾਨਵਿੰਡ ਅਤੇ ਰਣਜੀਤ ਐਵੀਨਿਊ ਵਿਖੇ ਦੋ ਇੰਟੈਗਰੇਟਿਡ ਸੇਵਾ ਸਟੇਸ਼ਨ ਉਸਾਰੇ ਜਾਣਗੇ। ਇਸ ਤੋਂ ਇਲਾਵਾ 6 ਸਥਾਨਾਂ ਜਿਸ ਵਿਚ ਬੱਸ ਸਟੈਂਡ, ਰੇਲਵੇ ਸਟੇਸ਼ਨ, ਗੋਲਡਨ ਗੇਟ, ਇੰਡੀਆ ਗੇਟ, ਮਾਹਲ ਬਾਈਪਾਸ, ਕਬੀਰ ਪਾਰਕ ਵਿਖੇ 6 ਇੰਟੈਗਰੇਟਿਸ ਸੇਵਾ ਪੋਸਟਾਂ ਤੋਂ ਇਲਾਵਾ ਪੰਜ ਸਥਾਨਾਂ ਉਤੇ ਟਰੈਫਿਕ ਪੋਸਟਾਂ ਬਣਾਈਆਂ ਜਾਣਗੀਆਂ। ਉਨਾਂ ਦੱਸਿਆ ਕਿ ਉਕਤ ਪੁਲਿਸ ਨੂੰ ਈ-ਕਾਰਾਂ, ਗੋਲਫ ਕਾਰਟ, ਪਿਕ ਅੱਪ ਗੱਡੀਆਂ, ਹੋਵਰ ਬੋਰਡ, ਮੋਬਾਈਲ ਕੰਟਰੋਲ ਵੈਨ ਆਦਿ ਦੀ ਸਹੂਲਤ ਦਿੱਤੀ ਜਾਵੇਗੀ। ਡਿਪਟੀ ਕਮਿਸ਼ਨਰ ਸ੍ਰੀ ਘਣਸ਼ਾਮ ਥੋਰੀ ਨੇ ਪ੍ਰਾਜੈਕਟ ਦੇ ਵੇਰਵੇ ਲੈਂਦੇ ਸੈਲਾਨੀਆਂ ਦੀ ਸਹੂਲਤ ਲਈ ਇਸ ਨੂੰ ਛੇਤੀ ਨੇਪਰੇ ਚਾੜਨ ਦੀ ਵਕਾਲਤ ਕੀਤੀ। ਉਨਾਂ ਇਸ ਤੋਂ ਇਲਾਵਾ ਕੈਂਰੋ ਮਾਰਕੀਟ ਕਾਰ ਪਾਰਕ, ਰੀਗੋ ਬਿ੍ਰਜ, ਸ਼ਹੀਦ ਸਾਹਿਬ ਵਿਖੇ ਬਣਾਏ ਜਾਣ ਵਾਲੇ ਸਕਾਈ ਵਾਕ ਦੀ ਥਾਂ ਨਵਾਂ ਵਿਕਲਪ ਤਲਾਸ਼ਣ ਆਦਿ ਦਾ ਜਾਇਜ਼ਾ ਵੀ ਲਿਆ। ਇਸ ਮੌਕੇ ਵਿਚਾਰ ਚਰਚਾ ਕਰਦੇ ਪੁਲਿਸ ਕਮਿਸ਼ਨਰ ਸ੍ਰੀ ਨੌਨਿਹਾਲ ਸਿੰਘ ਨੇ ਸ੍ਰੀ ਦਰਬਾਰ ਸਾਹਿਬ ਨੂੰ ਆਉਂਦੇ ਸਾਰੇ ਰਸਤੇ, ਜਿਸ ਵਿਚ ਸ਼ਹੀਦਾਂ ਸਾਹਿਬ ਵਾਲਾ ਰਸਤਾ, ਘਿਉ ਮੰਡੀ ਵਾਲਾ ਰਾਹ ਅਤੇ ਬੱਸ ਅੱਡੇ ਤੇ ਰੇਲਵੇ ਸਟੇਸ਼ਨ ਤੋਂ ਯਾਤਰੂਆਂ ਦੀ ਸ੍ਰੀ ਦਰਬਾਰ ਸਾਹਿਬ ਤੱਕ ਪਹੁੰਚ ਸ਼ਾਮਿਲ ਹੈ, ਨੂੰ ਬਿਹਤਰ ਬਨਾਉਣ ਦਾ ਸੁਝਾਅ ਦਿੱਤਾ। ਉਨਾਂ ਕਿਹਾ ਕਿ ਇਹ ਉਹ ਰਸਤੇ ਤੇ ਸਥਾਨ ਹਨ, ਜਿਥੋਂ ਵੱਡੀ ਗਿਣਤੀ ਵਿਚ ਯਾਤਰੂ ਸ੍ਰੀ ਦਰਬਾਰ ਸਾਹਿਬ ਨੂੰ ਜਾਂਦੇ ਹਨ। ਉਨਾਂ ਕਿਹਾ ਕਿ ਜੇਕਰ ਇਸ ਰਸਤੇ ਉਤੇ ਆਉਣ-ਜਾਣ ਦਾ ਵਧੀਆ ਪ੍ਰਬੰਧ ਹੋਵੇ ਤਾਂ ਸਾਡੇ ਯਾਤਰੀਆਂ ਤੇ ਸੈਲਾਨੀਆਂ ਨੂੰ ਵੱਡੀ ਰਾਹਤ ਮਿਲ ਸਕਦੀ ਹੈ। ਮੀਟਿੰਗ ਵਿਚ ਵਧੀਕ ਡਿਪਟੀ ਕਮਿਸ਼ਨਰ ਸ੍ਰੀ ਹਰਪ੍ਰੀਤ ਸਿੰਘ, ਐਕਸੀਅਨ ਸ੍ਰੀ ਸੰਦੀਪ ਸਿੰਘ ਤੇ ਹੋਰ ਅਧਿਕਾਰੀ ਹਾਜਰ ਸਨ।

Leave a Reply

Your email address will not be published. Required fields are marked *